БЛОГОТ ОД СЕГА ЌЕ ИМА НОВА URL АДРЕСА:
www.macedonianpatriots.blog.com.mk
Macedonian Patriot
Sunday, March 16, 2008
Проблемот на Грција со нашето име
Македонија повторно е жртва на негирања и опструкции од некои наши соседни земји. Преку процесот на негација на нашиот вековен идентитет, денес Грција го оспорува нашето суверено право да се нарекуваме со име за кое самите сме си одличиле, односно име кое ја изразува нашата национална посебност како народ. И зошто Грција го оспорува нашето име? Кои се нејзините мотиви за тоа? Дали ние сме реална закана за нивниот територијален и државен суверенитет, дали сме закана за нивната безбедност и сигурност? Секако дека не! Тука, како нивен мотив за негирањето на нашето име се вклучени политички причини, кои секако и се добро познати на јавноста. За тоа дека грчкиот проблем со нашето име Македонија е исклучиво политички, ќе пробаме да ги одмериме аргументите со кои Грција настапува пред меѓународната јавност, континуирано од нашето осамостојување како независна и суверена држава Македонија. Како прв, позначаен аргумент со кој се служеше Грција како оправдување за нејзините ирационални постапки е тоа дека Македонија претставува закана за безбедноста на Грција и регионот, бидејќи Македонија има територијални претензии кон северната Грчка истоимена покраина. Тука се поставува прашањето како е можно една новоформирана држава, територијално, финансиски и воено послаба од Грција, може да биде закана за нејзиниот територијален интегритет и суверенитет? Поради економските блокади од страна на Грција, нашите политичари направија огромни отстапки, па дури срамни и понижувачки, да не речам и предавнички. Освен што се смени Уставот на Република Македонија, вметнивајќи амандман со кој се вели дека Македонија нема никакви територијални претензии кон нејзините соседи и тоа дека границите на Република Македонија можат да се менуваат само во согласност со Уставот, а врз принципот на доброволност и во согласност со општоприфатените меѓународни норми, се отиде и до таму што се смени нашето државно знаме кое беше прифатено како македонски изворен, исконски и универзален симбол на секој Македонец каде и да се наоѓа во светот, а потоа се прифати и влез во ООН под една срамна и понижувачка кованица Поранешна Југословенска Република Македонија. И покрај, овие отстапки Македонија покажува доблест кон својот јужен сосед и дава особен напор да се изгради однос на взаемна и унапредена билатерална соработка меѓу двете држави, како и со остатокот од регионот, што за жал Грција не го цени. Каде е тука правдата и правото? Како е можно Грција, која е членка на Европската Унија и НАТО, кои постојат и се изградени исклучиво врз базата и принципите на меѓународното право, да може и да и биде дозволено фраглантно да ги крши меѓународните и општо прифатени норми? Во меѓународното право постојат општоприфатени начела, принципи и норми, кои државите отсекогаш ги почитуваат, а тоа се правото на суверенитет, внатрешното инхериорно право на државите, принципот дека сите држави меѓу себе во поглед на правата и обврските се еднакви, без оглед на територијалната големина, бројот на населението, економската состојба и слично, како и забраната на државите да се мешаат во внатрешните работи на други држави. Тогаш, зошто Грција која видливо ги крши овие норми се оправдува од некои европски држави. Во суштината на ова прашање лежи политика, политика на национализам, па дури и на прикриен фашизам во поглед на нашиот народ, кој сеуште неможе да ги заборави последиците што Грција ги превземаше интензивно по завршетокот на Втората Светска Војна и Граѓанската војна во Грција 1946-1949 година, убивајќи и протерувајќи огромен број од македонскиот народ кој живееше на тие простори, процес кој започна и интензивно траеше од анектирањето на Егејскиот дел на Македонија во 1912 година и кој трае до ден денес. Но, јас верувам во истрајноста и непокорот на нашиот македонски народ и на нашите македонски патриоти, кои нема да дозволат целта која ја има нашиот јужен сосед да се оствари. Да живее МАКЕДОНИЈА!!!
Saturday, March 15, 2008
За нашите Македонски Симболи
Симболот на македонската воена сила и надмоќ е лавот. По победата на обединетите Грци кај Херонеја во 337 г.п.н.е., македонскиот цар Филип Втори гради огромен споменик на лав, 
кој е зачуван. Александар Трети Македонски ковал пари со својот лик, заедно со маска од лав. Во средниот век, македонскиот лав станува македонски хералдички грб, под кој македонските револуционери од 19 и 20 век се борат за македонската слобода.
Најстариот зачуван македонски бајрак e Знамето на Мијаците. Најстарите сочувани два примерока се стари 200 години. Мијачкиот бајрак е сочинет од следниве елементи:
- централно е поставено сонце, симболот на Македонците уште од античко време;- во сонцето е впишан крст ; околу крстот на празните полиња пишува ИС - ХР / НИ - КА, односно "Исус Христос Победник;
- на аглите на знамето има три животински симболи со црвена или бела внатрешност. Горе лево има змеј, горе десно има исправен македонски лав, долу лево - двоглав орел без крилја со впишани И-С-Х-С на стомакот околу едноставен крст, а на долниот десен агол е претставена полумесечина со мала ѕвезда над неа. Бајракот е порабен со истите црвено-жолти сончеви зраци, какви што се наоѓаат околу централниот крст.
Но, иако сите го знаат како мијачки, бајракот е општомакедонски, бидејќи бил користел кај сите Македонци во минатото, а се задржал до денешни дни кај мијаците, поради нивната излолираност во високите западномакедонски планини. Фактот што змејот кој се наоѓа на знамето е симбол на античките Келти-Гали.
Сонцето и лавот се антички македонски симболи. Двоглавиот орел е антички симбол на обединетата духовна и световна власт и владеењето на истокот (Азија) и западот (Европа), а Александар Македонски и неговите наследници навистина ја владееја и Азија и Европа. Превртената полумесечина и ѕвездата се симболи на Богомилите од Македонија.
Македонското сонце е задржано како национален симбол кај македонскиот народ во континуитет. Знамето на крушевската република е карта на цела етногеографска Македонија, од која изгрева сонце. Македонскиот грб од 1945 г. содржи сонце.
Интересно е што дури во 1977 г. во Кутлеш (Вергина) се открива сонцето од филиповата гробница како македонски национален симбол, но Македонците го користат сонцето како национален белег многу порано; не само сонцето, туку и лавот. Засега не може точно да се каже зошто токму лавот е примен за амблем на македонскиот грб. Кај древните Грци орелот се сметал како амблем на Зевс... Атина, како држава град и град, имала свој амблем - бувот, Коринт - крилатиот коњ, на шлемот на Ахил имало лав, Александар Македонски имал - морски коњ. На штитовите на Торијаците и Мизијците имало змии, за да се разликуваат од Елините. На знамињата на римските легиони бил орелот. Шеснаесеткракото сонце e откриено 1977 г. во Кутлеш (Вергина) од грчкиот археолог Андроникос. Според интерпретациите на овој археолог коските во златниот ковчег биле на Филип II, a шеснаесеткракото сонце (ѕвездата од Вергина) била „амблемот на македонската династија“, т.е. симбол на македонското кралско семејство. Во почетокот на 90-тите години од минатиот век македонската и грчката дијаспора, првите на црвена основа, вторите на сина, го развеаја овој симбол на своите знамиња во Австралија, а во август 1992 г. Собранието на РМ го избра на државен симбол на РМ. Од откриетието на шеснаесеткракото сонце до неговата прва масовна употреба во 1988 г. од страна на Грците поминале повеќе од 10 години, но авторот на првата македонска книга од областа на хералдиката (1990 г.) не го спомнува овој амблем. Јас си поставувам прашање, ако денешните Македонци немаат врска со античките, од каде кај нас, современите Македонци култот кон античките македонски национални симболи? Дури по 1977 г., Грците почнаа да го користат македонското сонце во 
пропагандистични цели, да докажат елински карактер на Македонија. Тие, кои се удираат во гради дека се наследници на античките Елини, немаат национален симбол кој го негувале во континуитет, наследен од нивните антички предци. Пак ќе напоменам дека дури во 1977 г. во Кутлеш (Вергина) се открива сонцето од филиповата гробница како македонски национален симбол, но Македонците го користат сонцето како национален белег многу порано. Како уште еден дополнителен пример ќе го споменам македонското знаме на македонската колонија во С. Петербург со Буkефал, коњот на Александар Македонски, и сонце во изгрев со златести букви: „ЕДИНСТВЕНА НЕЗАВИСНА МАКЕДОНИЈА“ (март 1914). Тогаш, Грците немале ниту поим, ниту насетувале дека симболот на античките Македонци било македонското сонце и лавот.
кој е зачуван. Александар Трети Македонски ковал пари со својот лик, заедно со маска од лав. Во средниот век, македонскиот лав станува македонски хералдички грб, под кој македонските револуционери од 19 и 20 век се борат за македонската слобода.Најстариот зачуван македонски бајрак e Знамето на Мијаците. Најстарите сочувани два примерока се стари 200 години. Мијачкиот бајрак е сочинет од следниве елементи:
- централно е поставено сонце, симболот на Македонците уште од античко време;- во сонцето е впишан крст ; околу крстот на празните полиња пишува ИС - ХР / НИ - КА, односно "Исус Христос Победник;
- на аглите на знамето има три животински симболи со црвена или бела внатрешност. Горе лево има змеј, горе десно има исправен македонски лав, долу лево - двоглав орел без крилја со впишани И-С-Х-С на стомакот околу едноставен крст, а на долниот десен агол е претставена полумесечина со мала ѕвезда над неа. Бајракот е порабен со истите црвено-жолти сончеви зраци, какви што се наоѓаат околу централниот крст.
Но, иако сите го знаат како мијачки, бајракот е општомакедонски, бидејќи бил користел кај сите Македонци во минатото, а се задржал до денешни дни кај мијаците, поради нивната излолираност во високите западномакедонски планини. Фактот што змејот кој се наоѓа на знамето е симбол на античките Келти-Гали.
Сонцето и лавот се антички македонски симболи. Двоглавиот орел е антички симбол на обединетата духовна и световна власт и владеењето на истокот (Азија) и западот (Европа), а Александар Македонски и неговите наследници навистина ја владееја и Азија и Европа. Превртената полумесечина и ѕвездата се симболи на Богомилите од Македонија.Македонското сонце е задржано како национален симбол кај македонскиот народ во континуитет. Знамето на крушевската република е карта на цела етногеографска Македонија, од која изгрева сонце. Македонскиот грб од 1945 г. содржи сонце.
Интересно е што дури во 1977 г. во Кутлеш (Вергина) се открива сонцето од филиповата гробница како македонски национален симбол, но Македонците го користат сонцето како национален белег многу порано; не само сонцето, туку и лавот. Засега не може точно да се каже зошто токму лавот е примен за амблем на македонскиот грб. Кај древните Грци орелот се сметал како амблем на Зевс... Атина, како држава град и град, имала свој амблем - бувот, Коринт - крилатиот коњ, на шлемот на Ахил имало лав, Александар Македонски имал - морски коњ. На штитовите на Торијаците и Мизијците имало змии, за да се разликуваат од Елините. На знамињата на римските легиони бил орелот. Шеснаесеткракото сонце e откриено 1977 г. во Кутлеш (Вергина) од грчкиот археолог Андроникос. Според интерпретациите на овој археолог коските во златниот ковчег биле на Филип II, a шеснаесеткракото сонце (ѕвездата од Вергина) била „амблемот на македонската династија“, т.е. симбол на македонското кралско семејство. Во почетокот на 90-тите години од минатиот век македонската и грчката дијаспора, првите на црвена основа, вторите на сина, го развеаја овој симбол на своите знамиња во Австралија, а во август 1992 г. Собранието на РМ го избра на државен симбол на РМ. Од откриетието на шеснаесеткракото сонце до неговата прва масовна употреба во 1988 г. од страна на Грците поминале повеќе од 10 години, но авторот на првата македонска книга од областа на хералдиката (1990 г.) не го спомнува овој амблем. Јас си поставувам прашање, ако денешните Македонци немаат врска со античките, од каде кај нас, современите Македонци култот кон античките македонски национални симболи? Дури по 1977 г., Грците почнаа да го користат македонското сонце во 
пропагандистични цели, да докажат елински карактер на Македонија. Тие, кои се удираат во гради дека се наследници на античките Елини, немаат национален симбол кој го негувале во континуитет, наследен од нивните антички предци. Пак ќе напоменам дека дури во 1977 г. во Кутлеш (Вергина) се открива сонцето од филиповата гробница како македонски национален симбол, но Македонците го користат сонцето како национален белег многу порано. Како уште еден дополнителен пример ќе го споменам македонското знаме на македонската колонија во С. Петербург со Буkефал, коњот на Александар Македонски, и сонце во изгрев со златести букви: „ЕДИНСТВЕНА НЕЗАВИСНА МАКЕДОНИЈА“ (март 1914). Тогаш, Грците немале ниту поим, ниту насетувале дека симболот на античките Македонци било македонското сонце и лавот.
Subscribe to:
Posts (Atom)
